оқ ёки сарғиш тусли оқ рангли кукун.

Антибиотиклар (цефалоспоринлар гуруҳи).

J01DA63

Цефтриаксон+сулбактам м/и ичига қўллангандан кейин цефтриаксон ва сулбактамнинг плазмадаги максимал концентрацияси (Cмах) мувофиқ 15 минут ва 2 соатлар орасида аниқланади. Цефтриаксоннинг плазмадаги Cмах бир марталик м/и юборилган 1,0 г дозадан кейин тахминан 81 мг/л ни ташкил қилади ва доза юборилганидан кейин 2-3 соат давомида аниқланади, айни пайтда сулбактам натрийнинг концентрацияси эса 6-24 мг/мл ни ташкил қилади ва доза юборилганидан кейин 1 соат давомида аниқланади. Тавсия этилган дозаларда в/и қўлланганида цефтриаксон натрий организмнинг аъзолари ва тўқималарига яхши тақсимланади. Бактерицид концентрациялари 24 соат давомида тутиб турилади. Цефтриаксон албумин билан қайтар боғланади, ва концентрация ошиши билан боғланиши камаяди, масалан, плазмадаги концентрацияси <100 мг/л бўлганида боғланиши 95% дан 300 мг/л да боғланиши 85% гача камаяди. Албуминнинг миқдори камлиги туфайли, эркин цефтриаксоннинг тўқима суюқлигидаги пропорцияси плазмадагига нисбатан мувофиқ равишда юқори бўлади. Цефтриаксон натрийнинг тақсимланиш хажми (Вд) 7-12 л ни ташкил қилади ва сулбактамники – 18-27,6 л ни ташкил қилади. Иккаласи хам амниотик суюқликда кенг тақсимланади. У шунингдек сутда ҳам аниқланади. Ёш ва катта ёшдаги соғлом кўнгиллиларда плазманинг тозаланиш коэффициенти 10-22 мл/мин ни ташкил қилади. Жигарнинг тозаланиши 5-12 мл/мин ташкил қилади. Тахминан 75-85% Сулбактам ва 50-80% Цефтриаксон ўзгармаган ҳолда буйраклар орқали, қолган доза эса, сафро билан чиқарилади. Цефтриаксоннинг плазмадаги ўртача ярим парчаланиш даври соғлом ёш, катта ёшдаги кўнгиллиларда 8 соатни ташкил қилади. Янги туғилган чақалоқларда сийдик билан чиқарилиши дозанинг тахминан 70% ни ташкил қилади. Саккиз кунликдан кичик болаларда ва кекса, 75 ёшдан ошган одамларда ярим парчаланиш даври одатда ёш соғлом одамлар гуруҳига нисбатан 2-3 марта юқори бўлади. Сулбактамнинг плазмадаги ўртача ярим парчаланиш вақти тахминан 1 соатни ташкил қилади. Гемодиализ Сулбактамнинг ярим парчаланиш вақтини, организмдан умумий чиқарилишни, Вд кўрсаткичини ўзгартиради. Педиатрияда ўтказилган тадқиқотлар, мажмуавий шаклда юборилганида цефтриаксоннинг компонентларини фармакокинетикаси аҳамиятли ўзгаришларга эга эмаслигини кўрсатади.

Цефтриаксон+сулбактам, унга сезгир микроорганизмлар чақирган, қуйидаги инфекцияларни даволаш учун буюрилади: юқори ва қуйи нафас йўлларининг инфекциялари;ўткир бактериал отит;тери ва юмшоқ тўқималарнинг инфекциялари;сийдик йўлларининг инфекциялари (асоратланган ва асоратланмаган);кичик чаноқ аъзолари инфекциялари;бактериал сепсис;суяклар ва бўғимларнинг инфекциялари;меъда-ичак йўлларининг инфекциялари;менингит;жинсий йўл билан юқадиган инфекциялар;жарроҳликда инфекцияларни олдини олиш. Препаратни операциядан олдин қўллаш пациентларда жарроҳлик муолажалардан сўнг кузатиладиган операциядан кейинги инфекция ҳолатларини камайтириши мумкин.

Цефтриаксон+сулбактам в/и ичига ёки м/и стерил инекция учун сувда эритилганидан кейин юбориш мумкин. Препарат эритилганидан кейин эритмани дарҳол қўллаш тавсия қилинади. Препарат ампулаларининг сони ва препаратни эритиш учун тавсия қилинган стерил инекция учун сувнинг ҳажми ПрепаратБир ампула ҳажмиСтерил инекция учун сувни эритиш учун тавсия этилган ҳажмиМ/и юбориш учунВ/и юбориш учунЦефтриаксон+сулбактам 1,5 г10 мл5 мл10-20 мл

Препарат қабул қилинганида аллергик реакциялар (эшакеми, қичишиш, эозинофилия, зардоб касаллиги, кўпшаклли экссудатив эритема, анафилактик реакциялар, кам ҳолларда – анафилактик шок) юз бериши мумкин; стоматит, глоссит, овқат хазм қилиш тизими томонидан эса кўнгил айниши, қусиш, таъм сезишнинг йўқолиши, қоринда оғриқ, дисбактериоз, суперинфекция сохтамембраноз колит. Периферик қон кўрсаткичларининг ўзгаришлари: нейтропения, лимфопения, тромбоцитопения, кам ҳолларда – гемолитик анемия бўлиши мумкин, айрим ҳолларда қон зардобида плазма омилларининг (ИИ, ВИИ, ИХ, Х) даражаси пасаяди, протромбин вақти узаяди, бурундан қон кетиши кузатилади, холестатик сариқлик ривожланади, сийдикда: креатинин даражаси ошади, цилиндрлар пайдо бўлади; олигурия, анурия, биокимёвий ўзгаришлар (қон плазмасида жигар трансаминазалари фаоллигини ва билирубинни ошиши), ўткир буйрак етишмовчилиги, аритмиялар, бош оғриғи, юбориш жойида оғриқ ва инфилтрат, айрим ҳолларда в/и юборилганида – флебит ёки тромбофлебит кузатилиши мумкин.

Препаратни пенициллинга ёки препаратнинг компонентларига, шунингдек лидокаинга (м/и юборишда) маълум аллергияси бўлган бўлган пациентларда, жигар ва буйрак етишмовчилигида, анамнездаги меъда-ичак йўлларининг касалликлари, айниқса носпецифик ярали колитда ёки энтеритда, ҳомиладорлик ва лактация даврида қўллаш мумкин эмас.

Цефалоспоринлар ва циклоспорин бир вақтда қўлланганида, охиргисининг қон плазмасидаги даражаси ва токциклиги ошиши мумкин. Аминогликозидлар билан мажмуада қўлланганда синергизм оқибатида грамманфий микроорганизмларга нисбатан самарадорлиги кучаяди, аммо уларнинг оптимал дозаларини танлаш керак. Нестероид яллиғланишга қарши воситалар, антиагрегантлар қон кетиш эҳтимолини оширади, ҳалқали диуретиклар ва нефротоксик препаратлар (аминогликозидлар, полимиксин В) буйрак фаолиятини бузилишини чақиради. Бирга қўлланганида диклофенак цефтриаксоннинг сафрога чиқарилишини рағбатлантиради ва сийдикда умумий клиренсини пасайтиради. Ацеталозамид меъдада цефтриаксоннинг концентрациясини оширади. Цефтриаксоннинг эритмаларини аралаштириш ёки бошқа микробларга қарши препаратлар билан бир вақтда юбориш мумкин эмас. Цефтриаксонни калций сақловчи эритмалар билан аралаштириш мумкин эмас.

Жиддий анафилактик реакцияларда эпинефринни (адреналанни) шошилинч юбориш керак. Глюкокортикостероидлар в/и юборилади ва нафас йўлларининг ўтказувчанлиги, шу жумладан интубацияни қўшганда ўтказувчанлигини таъминлайди. Ўт йўлларининг оғир обструкциясида, жигарнинг оғир касалликларида, шунингдек буйрак фаолиятини бузилишларида препаратнинг дозалаш тартибини тўғрилаш талаб қилинади. Жигар фаолиятини бузилишлари ва буйрак фаолиятини йўлдош бузилишлари бўлган беморларда цефтриаксоннинг зардобдаги концентрациясини мониторлаш ва зарурати бўлганида унинг дозасини тўғрилаш керак. Агар бундай ҳолларда цефтриаксоннинг зардобдаги концентрациясини мунтазам мониторлаш ўтказилмаса, унда унинг суткалик қўлланиладиган дозаси 2 г дан ошмаслиги керак. Юбориш жойида инекция оқибатидаги оғриқни бартараф этиш мақсадида м/и юбориш учун: флакон ичидаги 0,5 г препаратни 1% лидокаин эритмасининг 2 мл да, 1 г ни – 3-5 мл да суюлтирилади. Препарат билан узоқ муддатли даволашда (бошқа антибиотиклар каби) сезгир бўлмаган микроорганизмларни хаддан зиёд ўсиши кузатилиши мумкин. Даволаш вақтида беморларни синчиклаб кузатиш керак. Препарат билан узоқ муддатли даволашда ички аъзолар фаолиятининг, шу жумладан, буйрак, жигар ва қон яратиш тизимининг кўрсаткичларини вақти-вақти билан назорат қилиш тавсия этилади. Бу айниқса янги туғилган чақалоқлар, энг аввало чала туғилган чақалоқлар ва кичик ёшли болалар учун муҳимдир. Ҳомиладорлик ва лактация Ҳомиладорлик ва лактация даврида фақат агар она учун тахмин қилинган фойда, ҳомила ва бола учун потенциал хавфдан юқори бўлган ҳолларда қўлланиши мумкин. Педиатрияда қўлланилиши Гипербилирубинемияси бўлган янги туғилган чақалоқларга, айниқса муддатидан олдин туғилганларга препаратни юбориш мумкин эмас. Препарат болалар ололмайдиган жойда сақлансин ва яроқлилик муддати ўтганидан кейин ишлатилмасин.

Қуруқ, ёруғликдан химояланган жойда, 25°С дан юқори бўлмаган ҳароратда сақлансин.

Симптомлари: ножўя таъсирларининг кучайиши. Даволаш: симптоматик, гемодиализ ёки перитонеал диализ самарасиз.

Рецепт бўйича

Вена ичига ва мушак орасига юбориш учун инекцион эритма тайёрлаш учун кукун 1,5 г дан флаконларда. 1 флакон қўллаш бўйича йўриқномаси билан картон қутида.

3 йил.