Teri va barmoqlarning Trichophyton (masalan T.rubrum, T.mentagrophytes, T.verrucosum, T.violaceum), Microsporum canis va Epidermophyton floccosum chaqirgan zamburug‘li infektsiyalari. Qirma temiratki (silliq terining trixofitiyasi, chot trixofitiyasi va tovon dermatofitiyasi), shikastlanish joylashgan soha, infektsiyaning yaqqolligi va tarqalganligi, peroral davolash maqsadga muvofiq bo‘lgan hollarda davolash uchun ko‘rsatilgan.Onixomikoz.

Dori vositasi peroral qo‘llash uchun mo‘ljallangan. Kattalarga odatda 250 mgli 1 tabletkadan sutkada 1 marta buyuriladi. Davolash kursining davomiyligi kasallikning xarakteri va og‘irlik darajasiga bog‘liq. Teri infektsiyalari: oyoq panjasi dermatofitiyasi (barmoqlarning orasi, tovon/ “paypoq” turidagi) – 2-6 hafta;silliq terining trixofitiyasi – 4 hafta;chot orasi trixofitiyasi – 2 dan 4 haftagacha. Infektsiya simptomlarining to‘liq yo‘qolishi, faqat laborator nazorat yordamida qo‘zg‘atuvchilarning yo‘qligini aniqlangandan so‘ng bir necha haftadan so‘ng kuzatiladi. Boshning sochli qismining infektsiyalari Boshning sochli qismining zamburug‘li shikastlanishlarida tavsiya etilgan davolash davomiyligi – 4 haftani tashkil etadi. Boshning sochli qismining zamburug‘li shikastlanishlari asosan bolalarda kuzatiladi. Onixomikoz Ko‘pgina patsiyentlar uchun davolash davomiyligi 6 haftadan 3 oygacha. Qo‘l barmoqlarining tirnoqlari, oyoq barmoqlarining tirnoqlari, faqat bosh barmoqdan tashqari shikastlanishi bo‘lgan patsiyentlarda yoki kichik yoshdagi patsiyentlarda 3 oydan kam davomiylikdagi davolanish mumkin. Oyoq barmoqlarining tirnoqlarini shikastlanishini davolashda ayrim patsiyentlar uchun 6 oy yoki undan ortiq davomiylikdagi davolanish talab etilishi mumkin. Uzoq muddat davolanish talab etiladigan patsiyentlarga davolanishning birinchi haftasi davomida tirnoqlarning sekin o‘sish tezligi bo‘yicha aniqlanadi. Infektsiya simptomlarining to‘liq yo‘qolishi, faqat laborator nazorat yordamida qo‘zg‘atuvchilarning yo‘qligini aniqlangandan so‘ng bir necha haftadan so‘ng kuzatiladi.

Nojo‘ya reaktsiyalar odatda kuchsiz va yengil bo‘lib va o‘tkinchi xarakterga ega. Qon va limfa tizimi tomonidan: neytropeniya, agranulotsitoz, trombotsitopeniya, anemiya, pantsitopeniya. Immun tizimi tomonidan: anafilaktoid reaktsiyalar (shu jumladan Kvinke shishi), teri va tizimli qizil yugurigi, anafilaktik reaktsiya, zardob kasalligi simptomlariga o‘xshash reaktsiyalar, o‘ta yuqori sezuvchanlik reaktsiyalari. Moddalar almashinuvi va oziqlanish tomonidan buzilishlar: ishtahani pasayishi. Ruhiyat tomonidan buzilishlar: ta’mni buzilishi natijasidagi havotirlik va depressiv simptomlar. Nerv tizimi tomonidan: bosh og‘rig‘i; paresteziya, gipesteziya, bosh aylanishi; anosmiya, shu jumladan, doimiy anosmiya, giposmiya; ta’m sezishni buzilishi, shu jumladan ta’m sezishni yo‘qolishi, odatda , u dori vositasini qabul qabul qilishni to‘xtatgandan so‘ng, bir necha haftadan keyin tiklanadi. Juda kam hollarda ta’m sezishni uzoq muddatga buzilishi aniqlangan, bu ba’zi hollarda ovqatni qabul qilishni kamayishi va tana vaznini ahamiyatli darajada pasayishiga olib keladi. Ko‘rish a’zolari tomonidan: ko‘rishni xiralashishi, ko‘rish o‘tkirligini pasayishi. Eshitish va muvozanat a’zolari tomonidan: vertimo, karlik, eshitishni buzilishi, quloqlarda shovqin. Qon-tomirlar tomonidan: vaskulit. Me’da-ichak yo‘llari tomonidan: me’da-ichak simptomlari (me’dada to‘lib ketish hissi, dispepsiya, ko‘ngil aynishi, qorin sohasida og‘riq, diareya); pankreatit. Jigar va o‘t chiqarish yo‘llari tomonidan: jigar funktsiyasining jiddiy buzilishlari, shu jumladan jigar yetishmovchiligi, jigar fermentlarining darajasini oshishi, sariqlik, xolestaz va gepatit. Agar jigar funktsiyasining buzilishlari rivojlansa, Terbipro dori vositasi bilan davolashni to‘xtatish lozim. Juda kam hollarda jiddiy jigar yetishmovchiligi holatlari (ayrim hollarda o‘lim bilan yakunlangan yoki jigarni ko‘chirib o‘tkazishni talab etadigan holatlar) xaqida xabarlar tushgan. Jigar yetishmovchiligining ko‘pgina hollarida patsiyentlarda asosan jiddiy, tizimli kasalliklari bo‘lgan, terbinafinni qo‘llash bilan bog‘liq bo‘lgan sabab-oqibati gumonli bo‘lgan. Teri va teri osti kletchatkasi tomonidan: terining og‘ir bo‘lmagan shakldagi reaktsiyalari (toshma, eshakemi); eozinofiliya va tizimli simptomlar bilan birga toshmalar, eksfoliativ va bullyoz dermatit; jiddiy teri reaktsiyalari (masalan ko‘pshaklli eritema, Stivens-Djonson sindromi, toksik epidermal nekroliz); yorug‘likka sezuvchanlik (masalan fotodermatoz, fotosensibilizatsiya reaktsiyalari va ko‘pshaklli fotodermatoz); alopetsiya. Agar terida jadallanib boruvchi xarakterdagi toshmalar; psoriazga o‘xshash toshmalar yoki psoriazning xurujlari (o‘tkir markazlashgan ekzantemali pustulyoz) kuzatilsa, Terbipro dori vositasini qo‘llashni to‘xtatish lozim. Suyak-mushak tizimi va biriktiruvchi to‘qima tomonidan: suyak-mushak tizimi tomonidan reaktsiyalar (artralgiya, mialgiya); rabdomioliz. Umumiy buzilishlar: holsizlanish; toliqish; grippga o‘xshash kasalliklar, pireksiya. Laborator tekshirishlarning natijalari: bir vaqtda varfarin qabul qilgan patsiyentlarda qonda kreatinfosfokinaza miqdorining oshishi, protrombin vaqtining o‘zgarishi (uzayishi, qisqarishi) kuzatiladi.

Terbinafinga yoki dori vositasining har qanday yordamchi moddalariga o‘ta yuqori sezuvchanlikda qo‘llash mumkin emas.

Boshqa dori vositalarining terbinafinga ta’siri Metabolizmni induktsiya qiluvchi dori vositalari bilan Terbinafinng klirensi oshishi va tsitoxrom R450 tizimini ingibitsiya qiluvchi dori vositali bilan pasayishi mumkin. Ushbu dori vositalari bilan bilan muvofiq davolashning zarurati bo‘lsa, Terbipro dori vositasini muvofiq tarzda dozalashga to‘g‘rilashni kiritish lozim. Terbinafinni ta’sirini yoki plazmali kontsentratsiyasini oshirishi mumkin bo‘lgan dori vositalari Tsimetidin terbinafinni klirensini 30% ga kamaytiradi. Flukonazol SYP2D6 va SYP3A4 fermentlarini susaytirishi natijasida terbinafinni Smax va AUS ko‘rsatkichlarini muvofiq ravishda 52 va 69% ga oshiradi. Terbinafinni ketokonazol va amiodaron kabi SYP2S9 va SYP3A4 ni susaytiruvchi dori vositalari bilan bir vaqtda qo‘llanganida ko‘rsatkichlarning xuddi shu tarzda oshishi kuzatiladi. Terbinafinni ta’sirini yoki plazmali kontsentratsiyasini pasaytirishi mumkin bo‘lgan dori vositalari Rifampitsin terbinafin klirensini 100% ga oshiradi. Terbinafinni boshqa dori vositalariga ta’siri Terbinafin SYP2D6 fermenti ishtirokida metabolizmga uchraydigan dori vositalaridan tashqari tsitoxrom R450 tizimi ishtirokida metabolizmga uchraydigan dori vositalarini (masalan, terfenadin, tolbutamid, triazolam yoki peroral kontratseptivlar) klirensini susaytirishi yoki kuchaytirishi uchun ahamiyatsiz potentsial ekanligi ma’lum. Terbinafin antipirin yoki digoksinning klirensiga ta’sir qilmaydi. Terbinafin flukonazolning farmakokinetikasiga xech qanday ta’siri kuzatilmagan. Shuningdek, terbinafinni va kotrimoksazol (trimetoprim va sulfametoksazolni majmuasi), zidovudin yoki teofillin kabi dori vositalarini birgalikda qo‘llanilganida klinik ahamiyatli hech qanday o‘zaro ta’sirlari kuzatilmagan. Terbiproni peroral kontratseptivlar bilan bir vaqtda qabul qilayotgan ayollarda xayz tsiklining buzilishining ayrim hollari (hayzlar orasida qon ketishlar va muntazam bo‘lmagan xayz tsikli) aniqlangan, biroq ushbu buzilishlarning tez-tezligi, faqat peroral kontratseptivlarni qabul qilayotgan patsiyentlarda ushbu buzilishlarning chegarasida bo‘lgan. Ta’siri yoki plazmali kontsentratsiyasi bilan terbinafinni oshirishi mumkin bo‘lgan dori vositalari Terbinafinni vena ichiga yuborilganida kofeinning klirensini 21% ga kamaytiradi. Etanol va boshqa gepatotoksik preparatlar gepatotoksiklikni rivojlanish xavfini oshiradi. Terbinafin SYP2D6 yordamida kechadigan metabolizmni susaytirishi aniqlangan. Ushbu ma’lumotlar SYP2D6 ishtirokida metabolizmga uchraydigan, tritsiklik antidepressantlar (TSAs), beta-blokatorlar, serotoninni qaytuvchan o‘rab oluvchi selektiv ingibitorlari (SSRIs), aritmiyaga qarshi dori vositalari (shu jumladan, 1A, 1V, 1S) va monoaminooksidaza (MAO-Is) ingibitorlarining V turi kabi dori vositalarini qabul qilayotgan patsiyentlar uchun, ayniqsa agar bir vaqtda qabul qilinayotgan dori vositasi terapevtik kontsentratsiyaning kichik diapazoniga ega bo‘lgan hollarda, klinik ahamiyatga ega bo‘lishi mumkin. Terbinafin dezipraminning klirensini 82% ga kamaytiradi. Dekstrometorfanni metabolizmi (yo‘talga qarshi dori vositasi va SYP2D6 marker substrati) jarayonlari tez sodir bo‘lgan patsiyentlarda terbinafin dekstrometorfan/dekstrorfanni siydikdagi metabolik o‘zaro ta’sirining koeffitsentini o‘rtacha 16-97 martaga oshirgan. Shunday qilib, terbinafinni qabul qilish SYP2S6 tez metabolizatorlar statusini sekin metabolizatorlar statusiga o‘zgarishiga olib kelishi mumkin. Ta’siri yoki plazmali kontsentratsiyasi bilan terbinafinni pasaytirishi mumkin bo‘lgan dori vositalari Terbinafin tsiklosporinni klirensini 15% ga oshiradi. Terbinafinni varfarin bilan vaqtda qabul qilayotgan patsiyentlarda Xalqaro me’yoriy nisbat (INR) ko‘rsatkichini va/yoki protrombin vaqtining kam hollardagi o‘zgarishi aniqlangan.

Jigar funktsiyasi Terbipro tabletkalarini jigarning surunkali yoki faol kasalliklari bo‘lgan patsiyentlarda qo‘llash tavsiya etilmaydi. Terbipro tabletkalari dori vositalarini buyurishdan avval jigarning barcha mavjud bo‘lgan kasalliklarini baholash lozim. Gepatotoksiklik jigarning kasalliklari yoki u siz bo‘lgan patsiyentlarda kelib chiqishi mumkin, shuning uchun davriy ravishda jigarning funktsiyasini monitoringini o‘tkazish (davolashning 4-6 haftasidan so‘ng) tavsiya etiladi. Jigar testlarining funktsional ko‘rsatkichlarini faolligi oshishi holatida Terbipro tabletkalarda dori vositasini qo‘llashni darhol to‘xtatish lozim. Terbinafin qabul qilayotgan patsiyentlarda, juda kam hollarda jiddiy jigar yetishmovchiligi holatlari (ayrim hollarda o‘lim bilan yakunlangan yoki jigarni ko‘chirib o‘tkazishni talab etadigan holatlar) aniqlangan. Jigar yetishmovchiligining ko‘pgina hollarida patsiyentlarda asosan jiddiy, tizimli kasalliklari bo‘lgan, terbinafinni qo‘llash bilan bog‘liq bo‘lgan sabab-oqibati gumonli bo‘lgan. Terbipro qabul qilayotgan patsiyentlarni qichishish, tushuntirib bo‘lmaydigan turg‘un ko‘ngil aynishi, ishtahani pasayishi, anoreksiya, sariqlik, qusish, ko‘p charchash, qorinning o‘ng yuqori qismida og‘riq yoki to‘q rangli siydik yoki axlatni rangsizlanishi kabi jigar funktsiyasini buzilishini ko‘rsatuvchi har qanday belgilar yoki simptomlar kuzatilsa, darxol shifokorga murojaat qilish lozimligini eslatib o‘tish lozim. Ushbu simptomlari bo‘lgan patsiyentlarda terbinafinni peroral qo‘llashni darhol to‘xtatish, patsiyentning jigar funktsiyasini esa tekshirish lozim. Ta’mni buzilishi Dori vositasini qo‘llashda ta’mni buzilishi va ta’mni yo‘qolishi xaqida xabarlar berilgan. Bu ishtahani yo‘qolishi, tana vaznini kamayishi, xavotirlik va depressiv simptomlarga olib kelishi mumkin. Agar ta’mni buzilishi simptomlari kelib chiqsa, dori vositasini qabul qilishni darhol to‘xtatish lozim. Hid bilishni buzilishi Hid bilishni buzilishi va hid bilishni yo‘qolishi xaqida ham xabar berilgan. Ushbu buzilishlar davolash to‘xtatilganidan so‘ng o‘tib ketishi mumkin, biroq davomiy (1 yildan ortiq) yoki doimiy bo‘lishi ham mumkin. Agar hid bilishni buzilishi kuzatilsa, dori vositasini qabul qilishni to‘xtatish lozim. Depressiv simptomlar Dori vositasi bilan davolanish davomida depressiv simptomlar kelib chiqishi mumkin, bu davolanishni talab etishi mumkin. Dermatologik samaralar Terbipro tabletkalarini qabul qilayotgan patsiyentlarda teri tomonidan jiddiy reaktsiyalarini (masalan Stivens-Djonson sindromi, toksik epidermal nekroliz) juda kam hollarda paydo bo‘lishi haqida xabar berilgan. Terida jadallanib boruvchi toshmalar paydo bo‘lishi holatida Terbipro tabletkalarda dori vositasi bilan davolashni to‘xtatish lozim. Psoriazi bo‘lgan patsiyentlarga Terbipro dori vositasini ehtiyotkorlik bilan qo‘llash lozim, chunki juda kam hollarda psoriazning xuruji haqida xabarlar mavjud. Gematologik samaralar Terbinafin tabletkasini qabul qilayotgan patsiyentlarda juda kam hollarda qon tomonidan patologik o‘zgarishlari (neytropeniya, agranulotsitoz, trombotsitopeniya, pantsitopeniya) haqida xabar berilgan. Patsiyentlarda qon tomonidan har qanday patologik o‘zgarishlari kelib chiqishi sabablarini baholash va davolash tartibini o‘zgartirish, shu jumladan Terbipro tabletkalarda dori vositasi bilan davolashni to‘xtatish masalasini ko‘rib chiqish lozim. Jigar kasalliklari bo‘lgan patsiyentlarda dori vositasining bir martalik dozasining farmakokinetikasini tekshirishlari, dori vositasining klirensini taxminan 50% ga kamayishini ko‘rsatdi. Buyrak funktsiyasi Terbipro tabletkalarda dori vositasini buyrak funktsiyasining buzilishi (kreatinin klirensi minutiga 50 ml dan kam yoki kreatinin darajasi qon zardobidan 300 mkmol/l dan ortiq) bo‘lgan patsiyentlarda qo‘llanilishi tegishli tartibda o‘rganilmagan va shuning uchun uni qo‘llash tavsiya etilmaydi. Boshqalar Terbiproni tizimli qizil yugirigi bo‘lgan patsiyentlarga ehtiyotkorlik bilan qo‘llash lozim, chunki juda kam hollarda qizil yugurigining xurujlari haqida xabar berilgan.

Homilador ayollarga terbinafinni qo‘llashning klinik tajribasi juda chegaralangan, shuning uchun Terbiproni homiladorlik vaqtida qo‘llash mumkin emas, faqat ayolning klinik holati terbinafin bilan peroral davolashni talab etsa va ona uchun kutilayotgan foyda homila uchun har qanday potentsial xavfdan yuqori bo‘lsa qo‘llash mumkin. Terbinafin ko‘krak sutiga o‘tadi va shuning uchun emizayotgan ayollar terbipro dori vositasi bilan davolanishlari mumkin emas.

Original o‘ramida, 25º S dan yuqori bo‘lmagan xaroratda saqlansin.

Dozani oshirib yuborilishining bir nechta hollari ma’lum (terbinafinni 5 g gacha qabul qilish). Simptomlari: bosh og‘rig‘i, ko‘ngil aynishi, epigastriyada og‘riq va bosh aylanishi. Davolash: dori vositasini organizmdan chiqarish, birinchi navbatda faollashtirilgan ko‘mir yordamida va zarurati bo‘lsa, tutib turuvchi simptomatik davolashni qo‘llash lozim.

Retsept bo‘yicha

7 tabletkadan blisterda; 2 blisterdan qutida.

4 yil.